“Türk Dövlətləri Təşkilatımız vasitəsilə Türk dünyasını birlikdə daha da gücləndirmək üçün işlərimizi davam etdiririk”. Bizim.Media xəbər verir ki, bunu Türkiyə Prezidenti Rəcəb Tayyib Ərdoğan Antalya şəhərində təşkil olunan III Diplomatiya Forumunun martın 1-də keçirilən rəsmi açılış mərasimində çıxışı zamanı deyib. Cənubi Qafqazda vəziyyətə toxunan Türkiyə Prezidenti deyib: “Qarabağın 30 illik işğalı başa çatdıqdan sonra Ermənistanla başladığımız normallaşma prosesini Azərbaycanla sıx koordinasiyada davam etdirəcəyik”. Qeyd edək ki, Prezident Rəcəb Tayyib Ərdoğanın himayəsi, Türkiyə Xarici İşlər Nazirliyinin ev sahibliyi ilə bu il “Böhranlar dövründə diplomatiyanı önə çıxarmaq” mövzusunda keçirilən Antalya Diplomatiya Forumunda 20-dən çox dövlət və hökumət başçısı iştirak edir. Bizim.Media
Siyasət
Ərdoğan: “Ermənistanla normallaşma prosesini Azərbaycanla sıx koordinasiyada davam etdirəcəyik”
