Xarici işlər naziri Ceyhun Bayramov Qambiyaya işgüzar səfəri çərçivəsində Bancul şəhərində baş tutan İslam Əməkdaşlıq Təşkilatının (İƏT) 15-ci İslam Sammitində iştirak və çıxış edib. Bizim.Media xəbər verir ki, bu barədə nazir rəsmi “X” hesabında məlumat verib. XİN başçısı çıxışında İslam dünyasındakı çağırışların, o cümlədən ən təhlükəli olan islamofobiyanın effektiv həlli üçün İƏT-ə üzv dövlətlərin həmrəyliyinin zəruriliyini vurğulayıb. Fələstin məsələsi də daxil olmaqla, Azərbaycanın İƏT coğrafiyasında münaqişələrin sülh yolu ilə həllinə sadiqliyi bir daha vurğulanıb. Münaqişədən sonrakı regional reallıqlar, yenidənqurma və sülh səyləri ilə bağlı çağırışlar və perspektivlər diqqətə çatdırılıb. Bizim.Media
