Ərdoğan İtaliyanı Fələstini dövlət kimi tanımağa ÇAĞIRIB

Türkiyə Prezidenti Rəcəb Tayyib Ərdoğan və İtaliyanın Baş naziri Ciorcia Meloni arasında telefon danışığı baş tutub. Bizim.Media xəbər verir ki, bu barədə Türkiyə Prezidentinin mətbuat xidməti məlumat yayıb. Məlumata görə, Ərdoğan Meloniyə İtaliyanı tarixin doğru tərəfində görmək istədiyini bildirib və İspaniya, İrlandiya və Norveç kimi bu ölkənin də Fələstin dövlətini tanımasına çağırıb. O bildirib ki, Qəzzada dərhal və daimi atəşkəsin təmin edilməsi ilə yanaşı, Türkiyənin prioriteti girovların və həbsdə olanların azad edilməsi, zolağa humanitar yardımın fasiləsiz çatdırılması olaraq qalır. Bizim.Media