Dünyanın ən böyük neft emalı kompleksi Rusiya neftini rublla alacaq - Ayda 3 milyon barel

Dünyanın ən böyük neft emalı kompleksinin operatoru olan Hindistanın "Reliance Industries" şirkəti Rusiyanın "Rosneft" şirkəti ilə bir illik müqavilə imzalayıb. Müqaviləyə əsasən, şirkət rublla ayda ən azı 3 milyon barel neft alacaq. Qaynarinfo "Reuters"ə istinadən xəbər verir ki, rublla ödənişlərə keçid Vladimir Putinin ticarət tərəfdaşlarına ABŞ və Avropanın sanksiyalarına baxmayaraq ticarəti asanlaşdırmaq üçün Qərb maliyyə sisteminə alternativlər tapmağa çağırmasından sonra baş verir. "Rosneft" ilə fövqəladə sövdələşmə, OPEC+ neft istehsalçıları qrupunun iyun ayından sonra da könüllü tədarük ixtisarını davam etdirəcəyi bir vaxtda "Reliance"ə nefti aşağı qiymətlərlə əldə etməyə kömək edəcək. Dünyada üçüncü ən böyük neft idxalçısı və istehlakçısı olan Hindistan dənizdən daşınan Rusiya neftinin ən böyük alıcısına çevrilib. Hindistan Rusiya neftini də rupi, dirhəm və Çin yuanı ilə ödəyir. Dövlətə məxsus Hindistan neft emalı zavodları isə bu il üçün tədarükləri yekunlaşdıra bilmədiklərinə görə Rusiya neftini almaq üçün spot bazarlardan istifadə edirlər. "Hindistan şirkətləri ilə əməkdaşlıq ("Rosneft"-red.) hasilat, neft emalı və neft və neft məhsullarının ticarəti sahəsində layihələri əhatə edir", deyə mesajda qeyd edilir. Aprelin 1-dən qüvvəyə minən sazişin şərtlərinə əsasən, "Reliance" şirkəti hər barel üçün 3 dollar endirimlə daha 4 partiyanı aylıq almaq imkanı ilə təxminən bir milyon barel həcmində "Urals" neftinin iki partiyasını alacaq. Neft emalı zavodu həmçinin, əsasən Rusiyanın Sakit okean limanı Kozminodan ixrac edilən qarışığı olan aşağı kükürdlü xam neftin bir-iki yükünü hər ay Dubay qiymətlərinə alacaq. "Reliance" neftin pulunu Hindistan bankı "HDFC Bank" və Rusiyanın "Qazprombank"ı vasitəsilə rus rublunda ödəməyə razılaşıb. Aydın