Slovakiyanın DİN başçısı partiya sədri seçilib

Slovakiyanın daxili işlər naziri Matuş Şutay-Eştok ölkənin hökumət koalisiyasına daxil olan “Səs – sosial demokratiya” partiyasının sədri seçilib. Bizim.Media xəbər verir ki, bu barədə Slovakiya televiziyası məlumat yayıb. Məlumata görə, nazirin partiya sədri seçilməsi bu siyasi qüvvəyə rəhbərlik edən Peter Pelleqrininin son prezident seçkilərində qalib gəlməsi fonunda baş verib. Belə ki, dövlət başçısı, Slovakiya qanunvericiliyinə görə, siyasi təşkilatların üzvü ola bilməz. Bizim.Media