NASA süni ulduz buraxmağı planlaşdırır

NASA onilliyin sonuna kimi Landolt adlı unikal missiyada süni ulduzu orbitə çıxarmağı planlaşdırır. Qaynarinfo bu barədə NV-yə istinadla xəbər verir. Çörək tabağı ölçüsündə peyk astronomlara alətlərini kalibrləməyə və kosmosu araşdırma üsullarını xeyli təkmilləşdirməyə kömək etmək üçün ulduzları və fövqəlnovaları simulyasiya edən səkkiz lazerlə təchiz ediləcək. Buraxılışın 2029-cu ilin əvvəlində baş tutacağı gözlənilir. Süni ulduz Yerdən 35 785 kilometr yüksəklikdə geosinxron orbitdə olacaq ki, bu da onun planetin səthindən yuxarı sabit nöqtədə qalmasına imkan verəcək. İlkin olaraq peyk ABŞ üzərində yerləşəcək. Yeni ulduz adi gözlə görünməsə də, rəqəmsal kameralarla təchiz edilmiş orta ölçülü teleskoplar vasitəsilə görünəcək. Layihə ulduzların parlaqlığının geniş kataloqlarının yaradıcısı Arlo Landoltun şərəfinə adlandırılıb. NASA missiyanı fevral ayında rəsmi olaraq təsdiqləsə də, elan iyunun 10-na qədər verilməyib. Corc Meyson Universitetinin astronomu və missiyanın baş müstəntiqi Peter Plavçanın sözlərinə görə, layihə təxminən 19,5 milyon dollara başa gələcək və 30 nəfərdən ibarət komanda iştirak edəcək. Peyk öz lazerlərinin köməyi ilə müxtəlif tipli ulduzların simulyasiyasını həyata keçirə biləcək ki, bu da astronomlara alətlərini dəqiq tənzimləməyə və həqiqi göy cisimlərinin daha dəqiq müşahidələrini aparmağa imkan verəcək. Bu missiya astronomlara Kainatı araşdırmaq və onun ən böyük sirlərini açmaq üçün yeni alətlər verərək astronomiyada inqilab edəcəyini vəd edir. Alpər