Sabiq deputat seçkilərdə iştirak etməyəcək

Milli Dirçəliş Hərəkatı Partiyasının sədri Fərəc Quliyev növbədənkənar parlament seçkilərində iştirak etməyəcək.  Bu barədə Qaynarinfoya onun özü məlumat verib.  Sədr seçkilərdə partiyanın iştirak edəcəyini açıqlayıb: "Belə qərar verdik ki, mən seçkilərdə iştirak etməyim. Amma partiyanın 10-dan yuxarı səlahiyyətli şəxsləri seçkilərdə iştirak edəcək". Qeyd edək ki, Fərəc Quliyev Azərbaycan SSR Ali Sovetinin XII çağırış deputatı, Azərbaycan Respublikasının Milli Məclisinin IV və V çağırış deputatı, 2013-cü və 2018-ci illərdə Azərbaycan Respublikası prezidenti seçkilərində prezidentliyə namizəd olub, Milli Dirçəliş Hərəkatı Partiyasının qurucusu və hazırkı sədridir. Bahar Rüstəmli