Alman şirkəti Ukraynadakı münaqişə səbəbindən rekord gəlir əldə edib

Alman müdafiə podratçısı "Rheinmetall” yüksək hərbi xərclər fonunda əməliyyat mənfəətini təxminən iki dəfə artırıb.    Qaynarinfo xəbər verir ki, bu barədə "Financial Times" yazır. Almaniyanın ən böyük müdafiə qrupu, 48,6 milyard avro dəyərində rekord sifariş portfeli olduğunu bildirib. İlin birinci yarısında şirkətin satışları üçdə bir artaraq 3,8 milyard avroya, əməliyyat mənfəəti isə silah və döyüş sursatı üçün artan sifarişlər fonunda təxminən iki dəfə artaraq 404 milyon avroya çatıb. Bu ilin əvvəlində Rusiyanın sui-qəsd cəhdinin qarşısı alındığı bildirilən CEO Armin Papperger "[müdafiə xərclərinin artımı] supersikl açıq şəkildə sürətlənir" deyə bildirib. Avropa hərbi-sənaye kompleksinin əsas fiquruna çevrilmiş və Kiyevə hərbi yardımın fəal tərəfdarına çevrilmiş "Papperger” Ukraynada tank təmiri, sursat istehsalı və hava hücumundan müdafiə sahəsində ixtisaslaşmış bir sıra fabriklər tikmək planlarını açıqlayaraq Kremli qəzəbləndirib. Rusiya Xarici İşlər Nazirliyi iyulun sonunda bildirib ki, "Rheinmetall” şirkətinin Ukraynada iki il ərzində işə salınması planlaşdırılan sursat zavodu Rusiya qoşunları üçün "qanuni hədəf”dir. Alpər