Rauf Qurbanov rəqiblərini debata çağırdı (VİDEO)

88 saylı Şamaxı seçki dairəsindən deputatlığa namizəd Rauf Qurbanov Laf TV-nin qonağı olub.  Qaynarinfo xəbər verir ki, Rauf Qurbanovun qatıldığı verilişdə Xalq artisti Şeyx Əbdül Mahmudov da iştirak edib. Verilişdə əsas müzakirə mövzusu sentyabrın 1-də keçiriləcək növbədənkənar seçkilər olub.  Xalq artisti verilişdə bildirib ki, 88 saylı Şamaxı seçki dairəsidən namizəd olanların platformaları ilə tanış olub. Onun sözlərinə görə, Rauf Qurbanovun ənənəvi çıxışlar etməməsi onun diqqətini çəkib:  "Yeganə ənənəvi platforması olmayan bax bu cavan oğlandır (Rauf Qurbanovu nəzərdə tutur). Nə özünü, nə nəslini tanıyıram. O yerdə ki, Şirvan, Şamaxı marağı var mən ordayam". Rauf Qurbanov da çıxışında yerli problemlərdən danışıb. O qeyd edib ki, problemlər doğru şəkildə dövlətə çatdırılmalıdır.  "Dövlətimiz aciz deyil. Problemlər düzgün şəkildə dövlətin diqqətinə çatdırılarsa, inanıram ki, həllini tapacaq", deyə namizəd bildirib.  Rauf Qurbanov həmçinin digər namizədləri debata çağırıb.  Verilişi oxucuların tam olaraq oxucuların diqqətinə çatdırırıq: