Türkiyə istehsalı olan “Bayraktar TB2” pilotsuz uçuş aparatı (PUA) daha bir ölkəyə ixrac edilib. Bizim.Media xəbər verir ki, bu barədə BAYKAR-ın baş direktoru Haluk Bayraktar özünün sosial şəbəkə hesabında yazıb. “Türkiyə dost və müttəfiq ölkələrin hərbi imkanlarını artıraraq dəstəkləməyə davam edir. Keniyadan olan kursantlar Baykar Uçuş Tədris Mərkəzində Bayraktar TB2 PUA-nı idarə etmək üçün təlimləri uğurla başa vurdular. Bütün məzunlarımızı təbrik edirəm və ümid edirəm ki, Afrikanın cəsur ölkəsi Keniya ilə dostluğumuz və əməkdaşlığımız möhkəmlənməyə davam edəcək", - deyə Haluk Bayraktar yazıb. Bizim.Media
