"Azərbaycan dövləti hər mənada qüdrətlidir" - Rauf Qurbanov

Bu gün 88 saylı Şamaxı seçki dairəsindən millət vəkilliyinə namizəd Rauf Qurbanov Nüydü kəndində seçicilərlə görüşüb.  Şamaxıya və şamaxılılara xidmət etmək üçün namizədliyini irəli sürdüyünü deyən Rauf Qurbanov bildirib ki, Azərbaycan dövləti hər mənada qüdrətlidir və yerlərdəki problemləri həll etmək mümkündür.  O deyib ki, Prezident İlham Əliyevin 20 ildən çoxdur apardığı uğurlu siyasi kurs, sosial-iqtisadi, humanitar islahatlar, əldə olunmuş ciddi nailiyyətlər, bölgəmizdə yaranan sabitlik imkan verir ki, biz Şamaxımızda mövcud olan müəyyən sıxıntıların öhdəsindən gələk.  İnsanlar millət vəkilindən qayğı və diqqət istəyir, Rauf Qurbanov da seçicilərini əmin edib ki, seçiləcəyi təqdirdə belə bir millət vəkilini əldə edəcəklər. Rauf Qurbanov seçicilərini səsvermədə aktiv iştirak etməyə, seçki hüququndan yararlanmağa, səs verməyə çağırıb.