Ukrayna Silahlı Qüvvələri Kursk vilayətinin Novoivanovka və Lyubimovka bölgələrində Rusiyanın əks-hücumunu dayandıra bilib. Bizim.Media xəbər verir ki, bu fikirləri ukraynalı hərbi müşahidəçi Denis Popoviç “Kanal 24”ə açıqlamasında bildirib.
Popoviç xatırladıb ki, bir ay əvvəl Rusiyanın Kursk vilayətində də əks-hücum əməliyyatı olub və sonra onlar Ukrayna Silahlı Qüvvələrini müəyyən ərazilərdən çıxara biliblər. “Snaqost qəsəbəsi itirildi. Snaqost hazırda Ukrayna Silahlı Qüvvələrinin nəzarəti altında deyil”, - deyə o açıqlayıb. Popoviç qeyd edib ki, ruslar Kursk vilayətinə müəyyən sayda çağırışçılarla yanaşı, təcrübəli qoşunlar da gətiriblər. O, Rusiya ərazisində strateji sursat anbarlarının vurulmasını da şərh edib. Popoviçin sözlərinə görə, ruslar bu hücumlardan sonra Xarkov və Kurskda sursat çatışmazlığı yaşayacaqlar. Bizim.Media