Asteroidlər Yerə həyat üçün lazım olan maddəni gətirir - Alimlər

Kembric Universitetinin britaniyalı alimləri müəyyən ediblər ki, Yerə düşən meteoritlərin tərkibində üzvi prosesləri və həyatın yaranması üçün lazım olan kifayət qədər sink var.  Qaynarinfo xəbər verir ki, tədqiqat "Science Advances" (SciAdv) elmi jurnalında dərc olunub. Komanda Yerdəki uçucu elementlərin mənşəyini izləmək üçün asteroidlərdən əldə edilən sinkin kimyəvi barmaq izlərindən istifadə edib. Uçucular nisbətən aşağı temperaturda buxara çevrilən elementlər və ya birləşmələrdir. Bunlara canlı orqanizmlərdə, eləcə də suda rast gəlinən ən çox yayılmış altı maddə daxildir. Meteoritlərdə tapılan sink planetimizdə uçucu maddələrin mənbəyini təyin etmək üçün istifadə edilə bilən xüsusi tərkibə malikdir. Komanda sinkin Yerə Günəş sisteminin müxtəlif hissələrindən gəldiyini aşkar edib. Təxminən yarısı Yupiterin orbitindən kənardan, qalan hissəsi isə yaxın kosmosdan gəlir. Tədqiqatçılar qeyd ediblər ki, sink planetesimallarda - Günəş sisteminin formalaşmasının əvvəlində əmələ gələn və sonradan Yerə və digər qayalı planetlərə qarışan kiçik göy cisimlərində də var. Bununla belə, bu obyektlər yüksək səviyyəli radiasiyaya məruz qalmışdır ki, bu da uçucu maddələrin əksəriyyətinin itirilməsi ilə nəticələnib. Alimlərin fikrincə, bu prosesləri başa düşmək sistemimizdən kənarda həyatı axtarmağa kömək edəcək. Aydın