"Gürcü Arzusu" Rusiyanın təbliğat klipini kopyaladı (VİDEO)

"Facebook"da Gürcüstanın hakim partiyası üçün yayımlanan yeni seçki videosu 2018-ci il Rusiyada keçirilmiş prezident seçkilərindən əvvəl çəkilmiş təşviqat videosunun ssenarisini yaxından izləyir. Həmin videoçarx Kremlin seçkiqabağı təbliğat materialı olub.  Qaynarinfo xəbər verir ki, videonu ilk olaraq Tiflis meri Kaxa Kaladze yayımlayıb. Hər iki videoda ər-arvad arasında seçkidə iştiraka dair dialoq var. Ər seçkidə iştirak etmək istəmir.  Gürcüstan parlamentinin spikeri Şalva Papuaşvili bunun sadəcə bir təsadüf olduğunu və Rusiyadakının surəti olmadığını iddia edib. "O zaman deyə bilərik ki, ailə və evlilik də Rusiya fenomenləridir. Bu sadəcə gülüncdür", deyə Papuaşvili jurnalistlərə bildirib. Onun sözlərinə görə, o, klipin ictimaiyyətin diqqətini çəkməsinə və bir çox insanın onu sosial şəbəkələrdə paylaşmasına sevinir, çünki bu insanlar hansı şərə dəstək ola biləcəklərini biləcəklər. Spiker "şər" dedikdə, Gürcüstanın keçmiş hökumətini, yəni indiki müxalifəti nəzərdə tutur.  Videoçarxları təqdim edirik. Aydın