Türkiyə Böyük Millət Məclisinin sədri Numan Kurtulmuş Azərbaycanı Zəfər Bayramı münasibətilə təbrik edib. Bizim.Media xəbər verir ki, Kurtulmuş təbrik mesajını sosial mediada hesabında paylaşıb. “Qarabağın işğaldan azad edilməsinin dördüncü ildönümündə Azərbaycanın Qələbə Gününü səmimi qəlbdən təbrik edirəm. Qarabağın azadlığı uğrunda dastana dönən 44 günlük mübarizənin qəhrəman qazilərini hörmətlə, əziz şəhidlərini ehtiram və rəhmətlə yad edirəm. Qarabağ zəfərimiz mübarək, qardaşlığımız əbədi olsun”, - deyə o qeyd edib. Bizim.Media
