Ukrayna Müdafiə Nazirliyinin Baş Kəşfiyyat İdarəsi (HUR), Təhlükəsizlik Xidməti (SBU) və Xarici Kəşfiyyat Xidməti Rusiya ərazisində yerləşən Kapustin Yar poliqonunda “Oreşnik” tipli orta mənzilli ballistik raketlərdən birini məhv edib. Bizim.Media “UNİAN”a istinadən xəbər verir ki, bu barədə Ukrayna Təhlükəsizlik Xidmətinin (SBU) rəhbəri Vasıl Malyuk Prezident Volodimir Zelenski ilə keçirdiyi brifinqdə bildirib. Malyuk sözügedən əməliyyatın ötən ilin yayında reallaşdırıldığını və bu barədə yalnız Zelenskiyə məruz edildiyini bildirib. O qeyd edib ki, həmin dövrdə “Oreşnik”lə bağlı məlumatlar hələ Rusiya tərəfindən geniş ictimaiyyətə açıqlanmamışdı.
“Oreşnik”in sınaqlarına 2023-cü ildən start verilsə də, ilk dəfə 2024-cü il noyabrın 21-də Putin Dneprdəki hərbi-sənaye kompleksinə “Oreşnik”lə zərbə endirildiyini elan edib. Bir gün sonra isə Rusiya Prezidenti “Oreşnik”in kütləvi istehsalının təşkil ediliyini bildirib. Bizim.Media