“Məhərrəm ayının müqəddəs olması fikri və özü Quranda yoxdur. Ramazan və Şaban ayları ilə bağlı da eyni reallıqdır. İslamdan əvvəlki dövrdə bu aylar var idi. Ancaq belə xüsusiləşməmişdi”. Bu fikirləri Bizim.Media-ya açıqlamasında ilahiyyatçı Elşad Miri deyib. O bildirib ki, Məhərrəm ayını özləri üçün dəyərli hesab edən insanlara hörmətlə yanaşır: “Ancaq ortaya sual çıxır: Minlərlə şəhid verdiyimiz 44 günlük savaşı və həmin ayı müqəddəs hesab edirikmi? Bir şeyin müqəddəs olmasına Allah qərar verə bilər. Allah peyğəmbərlərini belə müqəddəs hesab etməyibsə, hansısa ayı, günü müqəddəs hesab etmək nə dərəcə doğrudur? Hələ cümə gününü də müqəddəs hesab edirlər. Cümə günü müqəddəs deyil, sadəcə yığışma günüdür. Bu günün dəyəri insanların yığışıb məsələləri hesab etməsi ilə əlaqədardır”, - deyə Elşad Miri qeyd edib. Məhərrəm Əliyev, Bizim.Media
Siyasət
“Allah peyğəmbərləri müqəddəs hesab etməyib, Məhərrəm ayı niyə müqəddəs sayılsın ki?” – Elşad Miridən SENSASİON AÇIQLAMA
