Sabiq nazir deputatlığa namizəd oldu

Sabiq kənd təsərrüfatı naziri Heydər Əsədovun deputatlığa namizədliyi irəli sürülüb. Qaynarinfo xəbər verir ki, onun namizədliyi Yeni Azərbaycan Partiyası tərəfindən 51 saylı Şirvan seçki dairəsindən verilib. Qeyd edək ki, Heydər Əsədov 2013-2018-ci illərdə kənd təsərrüfatı naziri olub. 2007-2013-cü illərdə Hesablama Palatasının ikinci sədri olan keçmiş nazir 3 aprel 2019-cu ildən Azərbaycan Dövlət Dəniz Akademiyasının rektoru idi.