Tramp inauqurasiyadan əvvəl ABŞ-ın xarici siyasətini formalaşdırmağa başlayıb

ABŞ-ın yeni seçilmiş prezidenti Donald Tramp vəzifəyə başlamasına iki aydan çox vaxt qalmasına baxmayaraq, artıq iki əsas sahədə - Ukrayna və İsraildə ölkə siyasətini formalaşdırmağa başlayıb. Trampın ABŞ-ın xarici siyasətində böyük dəyişikliklərə can atacağı gözlənilir. Qaynarinfo xəbər verir ki, bui barədə "Bloomberg" mənbələrə istinadən yazıb. Keçmiş Tramp administrasiyasının rəsmisinə görə, seçilmiş prezident dərhal üstünlük əldə edəcək, çünki o, sələfi Co Baydendən daha sərt görünür. Agentliyin həmsöhbəti hesab edir ki, ABŞ düşmənləri əvvəlcədən davranışlarını dəyişə bilər - bəziləri ABŞ-dan gələn "qisas təhlükəsi" səbəbindən daha təmkinli olacaq, digərləri prezident Bayden vəzifəsini tərk edənə qədər qalan təsir rıçaqlarından istifadə etməyə çalışacaqlar. Vaşinqtonun siyasətindəki dəyişikliyin ən kəskin şəkildə Kiyevdə hiss olunacağı gözlənilir. Atlantik Şuranın Avrasiya Mərkəzinin direktor müavini Şelbi Magid deyib ki, Ukrayna hakimiyyəti artıq danışıqların zəruriliyini dərk etməyə doğru gedir.  "Bloomberg" hesab edir ki, lideri "Trampın gəlişindən ən çox faydalanan" ölkə İsraildir. Agentlik qeyd edir ki, İsrailin baş naziri Benyamin Netanyahu Trampın çoxdankı müttəfiqidir və onun Co Baydenlə gərgin münasibəti var, çünki onun dövründə ABŞ Qəzza zolağında hərbi əməliyyatları dayandırmaqda israr edirdi. Tramp artıq açıq şəkildə bəyan edib ki, İran xüsusən də nüvə silahına sahib olmaq planlarından əl çəkməsə, İsrailə daha ​​çox fəaliyyət azadlığı verəcək. Aydın