Mədəniyyət

Şair Təvəkkül Goruslunun imza günü keçirildi – FOTO

Bu gün III Türk Dünyası Ədəbiyyat və Kitab Festivalında Bizim.Media-nın masasında şair Təvəkkül Goruslunun imza günü keçirilib.  

Müəllif saytımıza açıqlamasında bildirib ki, kitablarının əsas ideyası vətən, yurd, torpaq və sevgi duyğuları yer alır. Şairin şeirlərinin ruhunda gələcəyə, haq ədalətin qalib gələcəyinə inam hissi güclüdür. Bu inam Azərbaycan torpaqlarının bütövləşməsinə və dədə-baba yurd yerlərimizin - Zəngəzurun, Göyçənin, Qaraqoyunlunun azad ediləcəyinə gənclərimizi daha da ruhlandırır. Qeyd edək ki, Bizim.Media informasiya portalının informasiya dəstəyi ilə keçirilən festivalın təşkilatçıları Azərbaycan Respublikası Mədəniyyət Nazirliyi, Azərbaycan Yazıçılar Birliyi, Milli Məclisin Mədəniyyət Komitəsi, Bakı şəhər İcra Hakimiyyəti, Beynəlxalq Türk Mədəniyyəti və İrsi Fondu, Beynəlxalq Türk Akademiyası, TÜRKSOY, TİKA, YTB, AMEA, ASAN Könüllülər Təşkilatı, İLESAM, Badam klinikası, Dünya Gənc Türk Yazarlar Birliyi, Fileur Global Security Group və Mədəniyyət kanalıdır. Bizim.Media