Bu gün III Türk Dünyası Ədəbiyyat və Kitab Festivalında Bizim.Media-nın masasında şair Nadir Həsənoğlunun imza günü keçirilib. Bizim.Media xəbər verir ki, şairin kitabları maraqla qarşılanıb.
Mirvarid Dilbazi Poeziya Məclisinin üzvü olan gənc şairin "Qayıt gəl mənə" kitabı təqdim olunub. O bildirib ki, sözügedən kitaba Nəriman Həsənzadə ön söz yazıb. Şair saytımıza açıqlamasında festivalın kitaba maraq yaranmasında mühüm rol oynadığını bildirib. O, kitabda sevgi mövzusunu tərənnüm etdiyini vurğulayıb. Xatırladaq ki, qazi Nadir Həsənoğlu İkinci Qarabağ Müharibəsinin iştirakçısıdır. 4 medala layiq görülüb. Cəbrayıl, Zəngilan rayonlarının azad edilməsində fədakarlıq göstərib. Bizim.Media
